موضوع: فضل الاستغفار الأربعاء يونيو 27, 2018 8:00 am
الدكتور عمر عبد الكافي بيقول إنه كان ف يوم بيُخطب الجُمعه .. وبعد الصلاة .. جاله راجل بيقوله يا مولانا انا كسول .. بنام كتير .. يدوبك اصحى آكل لقمه وانام تاني .. شغلي مُهمل فيه ومستقبلي .. وكل حاجة عيالي بيحسوني غريب عنهم .. عندي قلة همة وإحباط غير عادي .. أعمل ايه دلني الله لا يسيئك ؟!
الدكتور عُمر قاله إستغفر ف اليوم ١٠٠ مره .. ودا على الأقل .. وتعلالي بعد اسبوع وقولي إيه النتيجه .. قاله بقولك كسول وبنام ١٥ ساعه في اليوم ومُهمل في الصلاه وفي اولادي وشغلي وتقولي استغفر !
الدكتور عُمر قاله يا ابني احنا لحم ودم .. بشر .. مُعرضين اننا نعصي ربنا ونعمل ذنوب .. والذنوب بتثقل الجسم وتهد الحيل وتقلل العزيمه والهمه م القلب وتعلم الكسل والتُقل .. إسمع مني بس وهتنبهر من النتيجة ..
بعد ٦ ايام الراجل راح للدكتور عُمر .. فضل يقوله لازم أبوس إيدك ! أنا بقيت أستغفر ١٠٠ مره وأكتر في اليوم وساعات ٤٠٠ مره وساعات ١٠٠٠ مره ف اليوم ..
ربنا زي ما يكون حدف في قلبي النشاط والهمه .. بقيت أنام اقل من ٧ ساعات وأشبع فيهم من النوم .. أسعى لشغلي بكل نشاط وإتفقت على شراكه جديده ومضيت العقد في أقل من ٤ أيام ! ========================