منتدى دكتور خالد أبو الفضل الطبى
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.


DR Khaled Abulfadle physiology site
 
الرئيسيةأحدث الصورالتسجيلدخول

 

 تصالحوا قبل أن تندموا

اذهب الى الأسفل 
كاتب الموضوعرسالة
admin
Admin
admin


عدد المساهمات : 9444
تاريخ التسجيل : 06/08/2009

تصالحوا قبل أن تندموا Empty
مُساهمةموضوع: تصالحوا قبل أن تندموا   تصالحوا قبل أن تندموا Emptyالأربعاء مارس 28, 2018 8:49 am

في محاضرة لمعالجة العلاقات الزوجية يحضرها رجال و نساء .. وقف المحاضر بيسأل لو انت كزوج زعلت مراتك تصالحها و تسترضيها ازاي؟؟؟؟ كل راجل جاوب اجابة من دول :
1) اكلم معاها و اشرحلها وجهة نظري و اقولها حقك علي انت صح
2) افكرها بالايام الحلوة اللي بيننا و اراضيها و اقولها اني بحبها و ما اقدرش استغنى عنها

3) اغني لها الاغنية بتاعتنا و اروح استناها قدام شغلها و في ايدي ورد و اخدها اليوم دة اغديها برة و اكسر روتين حياتنا عشان تحس اني سايب الدنيا عشانها
4) اعملها زي شباب اليومين دول و اقف اغنيلها و ابعت لها رسايل حب و احضر مفاجأة كبيرة لها و اصورها و انزلها عالفيس بوك عشان تلم likes بالهبل و تبقى مبسوطة

المحاضر قرا كل الاجابات وسط تنهدات السيدات و ابتسامات الرجال لغاية ما وصل لرجل في الثلاثينات من عمره و لقى ورقته فاضية ما كتبش حاجة!!!! المحاضر سأله قاله ما جاوبتش ليه؟؟؟؟ مش ناوي تصالح مراتك لو زعلتها؟؟؟؟ طبعا جملة زي دي خلت كل الموجودين مترقبين الرجالة خايفة انه يقول حاسيبها تنفلق و هم كدة يطلعوا رومانسيين و حبيبة و الستات مترقبة عشان لو غلط في مراته ياكلوه مع انهم ما يعرفوهاش،،،، بعد لحظات صمت الشاب اتنهد و قال للمحاضر ( تعرف حضرتك انا بحب مراتي اوي اوي و عمري ما عرفت اصالحها) طبعا الاجابة لم تلاقي استحسان الحاضرين و ابتدى الغمز و اللمز حتى المحاضر بدا يتافف و يستعد للسؤال المتوقع و عايز يقوله امال انت جاي ليه!!!!!!! وقبل ما يسأل بدا الشاب تاني يتكلم ويقول :

انا مراتي قبل ما اتجوزها كانت حلم جميل باحلم اوصله و يوم لما فاتحتها في الارتباط و ابتدت تديني امل كنت حاسس اني ملكت الدنيا و يوم خطوبتنا كان قلبي حيقف من السعادة و حاسس اني باحلم و يوم الفرح و انا ماسكها و بارقص بيها كنت شايفها اجمل ست في الكون و ان كل اللي حرواليا حاسدني عليها و على حبها لي... لغاية بعد الجواز بكام شهر كنا بنختلف كتير و نغضب كتير بس كانت هي بتستحمل و تصبر و تسامح لغاية ما خذلتها و اتخليت عنها مرة و كانت اول مرة تثور علي لانها حست بعدم الامان و ابتدت تتغير معايا بقت عنيفة عصبية ردودها مش حنينة بقت بتنجح في شغلها عشان تعوض احساسها بالفشل في حياتنا لغاية ما مرة قالتلي انا مش شايفاك و انت مش فارق معايا صهينت و طيبت خاطرها بكلمتين و سيبتها تهدي.... بعدها بمدة مش كبيرة حصلت مشكلة كبيرة مراتي اللي كانت واثقة في خذلتها للمرة التانية بس هي المرة دي ما ثارتش ما قالتش لحد بطلت تكلم و تحكيلي حاجة بقى التعامل بيننا في الحاجات اللي تخص ولادنا بس و ابتدت تبعد...... انا بصراحة قلت طالما في البيت و الاولاد كويسين يبقى فترة و تعدي و صحيت بعدها باسبوع على احزن يوم في حياتي مراتي ما بتردش علي و ساقعة متلجة..... ماتت و هي نايمةجنبي و ما حستش بيها زي ما كانت عايشة معايا و ما حسيتش بيها و فهمتها.... ماتت و هي نفسها تعمل حاجات كتير انا مش عارفها.... انا اما شوفت صحاب و زمايل مراتي في العزا و حزنهم عليها و الكلام الحلو اللي بيتقال عليها حسيت قد ايه انا عشت غافل عن نعمة كبيرة كانت معايا..... انسانة كانت تتمنالي الرضا ارضى بس انا خذلتها انسانة كان نفسها تعمل كل حاجة معايا بس انا سيبتها لوحدها.... واحدة كانت بتحبني و بتحب اهلي بس كنت اناني ما حبيتش غير نفسي و شكلي و بس. ..... عرفت ليه ما عرفتش اجاوب لاني لو كنت تعبت نفسي و فكرت ايه اللي يرضيها و عملته يمكن ما كانتش اتقهرت يمكن ما كنتش اكتئبت و خبت عالناس كلها انها مش سعيدة معايا.... لو كنت فهمتها. .. انت عارف انا جاي هنا ليه لان هي ياما اتحايلت علي نيجي هنا عشان نقرب من بعض..... لو رجعتلي تاني حتعرف عليها و اعرف تفاصيل حياتها عشان اعرف اسعدها.... مش حاضحك لما الاقيها بتتفرج على king kong و بتعيط او ازهق و هي بتشوف (تيمور و شفيقة) للمرة المليون او حخليها تشغل الاغاني اللي بتحبها و ترقص عليها من غير ما اقولها ايه الهبل دة...... حعملها كل اللي نفسها فيه بس هي ترجع تاني)

المحاضر سكت و كل اللي قاعدين اتاثروا في منهم دموعه غلبته و فيهم اللي صوت بكاها كان مسموع.... وقف المحاضر و قالهم دي اجابة سؤال النهاردة لما تزعل مراتك صالحها بالطريقة اللي بتحبها حتى لو انت شايفها طريقة تافهة بس هي حتشوفها منك اهتمام.... صالحها و ما تنطش نظرة الحزن اللي في عينها طالما شايفها بتكلم و مش عاملة نكد..... خليك زوج ذكي و اوعى تفقد ثقة مراتك لان الست لما تفقد ثقتها في جوزها بينزل من نظرها و بتحس انها ضيعت عمرها مع الشخص الغلط بالنسبة لها..... خليك ذكي




study study study study study study study study study
الرجوع الى أعلى الصفحة اذهب الى الأسفل
https://khafadle.ahlamontada.net
 
تصالحوا قبل أن تندموا
الرجوع الى أعلى الصفحة 
صفحة 1 من اصل 1
 مواضيع مماثلة
-
» تصالحوا قبل أن تندموا

صلاحيات هذا المنتدى:لاتستطيع الرد على المواضيع في هذا المنتدى
منتدى دكتور خالد أبو الفضل الطبى :: أقسام المنتدى :: منتدى دكتور خالد أبو الفضل لآدم-
انتقل الى: