موضوع: نكت جديده..........د. طارق الأحد ديسمبر 05, 2010 4:49 am
واحد الدغ فى حرف الـ (ر) وبيتكسف جدا لما يشترى شاورمة يقول للراجل هاتلى شويمة فبيقوله هاتلى واحد كفته وخلاص وهو زعلان جدا .طلعله عفريت قاله تطلب ايه ؟ قاله نفسى اقول شاورمة صح .. قاله خلاص قولها بكرة بس هتكون مرة واحده بس .. راح المحل وبيقول للراجل بكل عنطزة بقى هاتلى واحد شــاورمة .. قاله ايه ؟؟؟ قاله هات واحد كفتة الله يحرقك
مرة واحد بيعدي الشارع مع صحابه خبطته عربية ومش عارفين يقولوا لمراته الخبر ازاى ..شالوه وراحولها البيت فتحتلهم الباب واحد منهم قالها : جوزك ضيع كل فلوسه عالقمار.. قالتله : إلـهي ينشل البعيد !! .. قالها: وباع البيت .. قالتله: إلهي يبيعوا عنيه !!! قالها: واتجوز عليكي على فكرة .. قالتله: إلهي يدخلوا عليا شايلينه !!.. الراجل قال : بــس .. خشوا يا شباب
مدرس بيسأل الطلبة فى الفصل بتعملوا ايه اول ما تروحوا البيت ؟ الاول قاله انا بتفرج عالتلفزيون واروح لاحمد بتاع الحشيش ..التانى قاله انا بلعب كورة واروح لاحمد بتاع الحشيش ..التالت قاله انا بذاكر واصلى واقرا قرآن ،، المدرس فرح بيه اوى وخده بالحضن وقاله اسمك ايه ؟؟؟ قاله انا احمد بتاع الحشيش
اتنين فشارين اوى واحد بيقول للتانى تصور ماما جابتلنا حله وسعها 10 فدان .. التاني قاله طب وايه يعني ماحناماما جابتلنا باميه الواحدة منها طولها 2 متر ..صاحبه قاله ايه ده و بتطبخوها فين دي ؟؟؟؟ قاله فى حلة امك
بخيل سأل مراته اجيبلك ايه هديه عيد جوازنا فلوس ولا تاخدي موبايلي الجديد ؟؟؟ قالت لنفسها ده بخيل جلدة اكيد لو قلت فلوس هيديني 2 جنيه فقالتله خلاص عايزة موبايلك الجديد قالها اكتبي عندك زيرو اتناشر تلت خمسات صفرين سبعتين
واحدة وحشة لسة متجوزتش راحت اشترت برفان رجالى ابوها قالها ده برفان رجالى يا بنتى!!!! قالتلة منا عارفه هو هيبقى لا هما ولا ريحتهم
شاب فرفور من الشباب السيكى ميكى دخل الجيش .. الظابط شافه وسأله اسمك ايه ؟ قاله : اسمي توتي .. قام الظابط ضربه على قفاه وقاله : بكره تجيني بإسم راجل .. تاني يوم بيسأله ها اسمك ايه ؟؟؟؟ قاله توتي الشرير
واحدة تخينة جدا جدا عايزين يوزونوها وكل ما يحطوها على الميزان يتكسر من تقلها .. استوردوا ميزان الكتروني من بلاد برة وحطوها عليه خرجت رسالة مكتوب عليها : بالدور يا جماعة واحد واحد
واحد واخذ ارنب يبيعه فى السوق جاله واحد مسطول وسأل: بكام الحمار ؟ قاله بس ده ارنب مش حمار ... قاله يــاعـــــم انا بكلم الارنب
دكتور قلب طلع معاش وفى حفل تكريمه حطو صورته جوه قــلــب كبيـــر .. واحد من الحاضرين مقدرش يستحمل ومات على روحه من الضحك وقعد يضحك اوى .. سألوه بتضحك ليه ؟؟؟ قالهم اصل انا دكتور بواسير وطالع معاش الاسبوع الجاى
الأحد ديسمبر 05, 2010 4:49 am
