يا شعبي ........ شعر / أحمد فؤاد نجم

Admin عدد المساهمات : 9696 تاريخ التسجيل : 06/08/2009

يا شعبي حبيبي ياروحي يابيبي...... ياحاطك في جيبي يابن الحلال

يا شعبي ياشاطر ياجابر خواطر ........... ياساكن مقابر وصابر وعال

يا واكل سمومك يابايع هدومك ............يا حامل همومك وشايل جبال

يا شعبي اللي نايم وسارح وهايم .......وفي الفقر عايم وحاله ده حال

احبك محشش مفرفش مطنش .....ودايخ مدروخ وآخر انسطال

احبك مكبّر دماغك مخدّر .......ممشي امورك كده باتكال

واحب اللي ينصب واحب اللي يكدب .....واحب اللي ينهب ويسرق تلال

واحب اللي شايف وعارف ......وخايف وبالع لسانه وكاتم ماقال

واحب اللي قافل عيونه المغفل .....واحب البهايم واحب البغال

واحب اللي راضي واحب اللي فاضي.....واحب اللي عايز يربي العيال

واحب اللي يائس واحب اللي بائس .....واحب اللي محبط وشايف محال

واحبك تطبل تهلل تهبل ....... عشان مطش كوره وفيلم ومقال

واحبك تأيد تعضض تمجد ........توافق تنافق وتلحس نعال

تحضر نشادر تجمع كوادر ........تلمع تقمع تظبط مجال

لكن لو تفكر تخطط تقرر ........تشغلي مخك وتفتح جدال

وتبدأ تشاكل وتعمل مشاكل ...... وتنكش مسائل وتسأل سؤال

وعايز تنور وعايز تطور ........وتعمللي روحك مفرد رجال

ساعتها حجيبك لايمكن اسيبك .....وراح تبقى عبره وتصبح مثال

حبهدل جنابك وأذل اللي جابك .......وحيكون عذابك ده فوق الاحتمال

وامرمط سعادتك واهزأ سيادتك ........واخلي كرامتك في حالة هزال

وتلبس قضيه وتصبح رزيه .........وباقي حياتك تعيش في انعزال

» أمى.......... للشيخ أحمد العجمى
» السعادة الحقيقية......... د/ أحمد النقيب
» إذا ما قال لي ربي - قصيدة أبكت الإمام أحمد
» مقامة كورونا - د. أحمد القرني
» نشيد مصر .... بصوت أحمد خالد أبو الفضل