موضوع: انتي بقى مين فيهم؟ بطاطس ولا بيضة ولا بن؟ الخميس سبتمبر 03, 2020 7:26 am
بنت راحت تشتكي لباباها إن الحياة وحشة والظروف مش مساعدها تعمل حاجة وإنها تعبت من كتر المشاكل اللي في الحياة طول الوقت. بابا ها مردش عليها وراح واخدها على المطبخ وجاب تلت حلل ملاها ميه وحطها تغلي على البوتاجاز، أول ما الميه غليت راح حاطط في الحلة الأولى بطاطس، وفي التانية بيضة وفي التالتة حط بن وسابهم شوية، بعد عشرين دقيقة طفا البوتاجاز وطلع البطاطس في طبق والبيض في طبق تاني والبن في كوباية وقال لبنته «قولي لي شايفة إيه؟ «شايفة بطاطس وبيضة وبن!» ردت البنت. قالها «بصي كويس وإلمسي البطاطس؟، لمست البنت البطاطس لقيتها طريت عن أول ما حطها، طلب منها تبص على البيضة، فلقيتها بقت بيضة مسلوقة، طلب منها تبص على الكوباية، فلقت قهوة ريحتها جميلة جدا، ابتسمت البنت وقالت له «يعني إيه الكلام ده؟» الأب أخد بنته وشرح لها... فالها إن البطاطس والبيضة والبن اتحطوا في نفس الظروف - الميه المغلية .. بس كل واحد فيهم كان رد فعله مختلف! البطاطس كانت في الأول قوية إنما بعد الميه المغلية بقت طرية وضعيفة. البيضة كانت في الأول ضعيفة وسهلة الكسر إنما بعد الميه المغلية بقى قلبها قوي! البن بقى كان مميز جدا! لما دخل في المياه المغلية غيرها أصلا وعمل منها حاجة تانية جميلة جدا اسمها «قهوة». ====================== انتي بقى مين فيهم؟ بطاطس ولا بيضة ولا بن؟ لما بيحصلك مشاكل في حياتك رد فعلك بيكون إزاي؟ بتضعف ولا بتقوي ولا بتاخد الظروف دي وتعملي منها حاجة جميلة؟ =======================
admin Admin
عدد المساهمات : 9498 تاريخ التسجيل : 06/08/2009
موضوع: رد: انتي بقى مين فيهم؟ بطاطس ولا بيضة ولا بن؟ الخميس سبتمبر 03, 2020 7:51 am
الخميس سبتمبر 03, 2020 7:26 am
