موضوع: إن كيدهن عظيم الثلاثاء مارس 29, 2016 6:23 pm
واحدة جوزها اتجوز عليها ولما عرفت الحكاية من بعيد لبعيد عملت نفسها ولا تعرف حاجة وقاعدة مع زوجها عاااااادي واﻷمور على أحسن ما يكون وعايشة حياتها و16 سنة وهي مبسوطة ومرتاحة وحياتها 100 % مات جوزها وانتهت ايام العزاء واجتمعوا عندها أهل جوزها عايزين يفتحوا الموضوع ومش عارفين من فين يبدأوا وهيا شايفاهم ومش مهتمة .. وعارفة هم عايزين ايه قام أبو جوزها قال لها يابنتي في موضوع عايز أفاتحك فيه بس عايزك تتفهميه وما تحمليش اﻷمور أكثر مما تحتمل قالت ما تقولش حاجة يا عمي !! عارفة ان ابنك كان متجوز عليا اﻷب أندهش وقال وانتي صابرة ولا كأنه فيه حاجة قالت له مش كده الحكاية لو عملت زيطة وزمبليطة كان قسم الليالي بيني وبينها وكان قسم المصاريف وكان كل ما زعلت راح عندها وسابني وكان.. وكان لكن عملت نفسي ما أعرفش بقى كل الليالي عندي .. وخايف اني أعرف ومصاريفي على سنجة 10 وعايز رضايا ويخطب ودي وخايف مني أي لحظة أكشفه وعاش 16 سنة بعد جوازه وأنا ملكة مدللة وهو خايف مني عايزة ايه أحسن من كده ================ الشيطان قاعد يسمع ويلطم ... ويقول ضيعت عمري أخطط أفرق بينهم على فشوش
الثلاثاء مارس 29, 2016 6:23 pm
